Plantun de Prouvènço

Pèr coumpara dos planto d'encò nostre

Brassica napus & Delphinium fissum

Caulet-rabo

Brassica napus

Brassicaceae Cruciferae

Àutri noum : Rabo-cau, Caulet-navèu, Colza.

Nom en français : Colza.

Descripcioun :
Lou caulet-rabo es uno planto cultivado pèr l'alimentacioun. Pamens se pòu, raramen, trouba en deforo di champ, pèr eisèmple en ribo de routo e aqui, soulet, èi mai tihous pèr lou recounèisse pèr qu n'en a pas l'usanço. Se destrìo dis àutri Brassica qu'a si boudousco escartado de la cambo, si fueio que l'embrasson e encaro que si sepalo parton un pau sus lou coustat.

Usanço :
I'a dos meno de caulet-rabo : siegue aquéu cultiva pèr li grano, pèr n'en faire d'òli, la subsp. napus (caulet-rabo o colza), siegue aquéu cultiva pèr li racino e que douno de caulet-navèu ("Rutabaga" en francés) de la subsp. napobrassica o rapifera.

Port : Grando erbo
Taio : 0,3 à 1(1,5) m
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Brassica
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 1 à 1,5 cm
Flourido : Printems

Sòu : Ca
Autour basso e auto : Pancaro entresigna
Aparado : Noun
Remarco : Planto cultivado

Liò : Champ - Ermas - Camin
Estànci : Mesoumediterran à Coulinen
Couroulougi : Óurigino mediterranenco
Ref. sc. : Brassica napus L., 1753

Capouchin(-fendu)

Delphinium fissum

Ranunculaceae

Noms en français : Dauphinelle fendue, Pied-d'alouette fendu.

Descripcioun :
Es uno planto renadivo proun grando e primo emé de fueio telado souvènt seco à la flourido. Li flour soun d'un poulit blu, pelouso emé un long esperoun. Vèn bèn dins li baus cauquié e li roucaio seco. Es uno planto proutegido.

Usanço :
Coume si cousin li tuo-loup, aqueste capouchin es uno planto proun empouisounanto. Caup d'alcalouïdo que paraliso lou cors e majamen l'alenamen. Li bèsti que l'esbrouton podon n'en mouri.